85 infermierë të rinj do të fillojnë punën në klinika të ndryshme të QKUK-së

85 infermierë të rinj nga dita e nesërme do të fillojnë punën në klinika të ndryshme të Qendrës Klinike dhe Universitare të Kosovës (QKUK), njofton Shërbimi Spitalor Klinik dhe Universitar i Kosovës.

Punësimi i tyre do të zbusë pjesërisht mungesën e infermierëve në klinikat e QKUK-së.

Nënshkrimi i kontratave u bë gjatë ditës së sotme.

Me këtë rast, drejtori i përgjithshëm i ShSKUK-së, Elvir Azizi, infermierëve i’u dëshiroi punë të mbarë, duke i porositur ata, që në qendër të punës së tyre të kenë kujdesin ndaj pacientëve.

Nga 85 infermierët e pranuar së fundmi, 70 janë më kualifikim bachelor dhe 15 me shkollim të mesëm, njofton Shërbimi Spitalor Klinik dhe Universitar i Kosovës. /2LONLINE/