4 prilli – Dita Ndërkombëtare e Vetëdijesimit ndaj Minave

Sot është Dita Ndërkombëtare e Vetëdijesimit ndaj Minave, e cila ka për qëllim të rrisë ndërgjegjësimin mbi minat tokësore dhe përparimin drejt çrrënjosjes së tyre.Kombet e Bashkuara kanë shpallur këtë ditë më 8 dhjetor të vitit 2005 dhe ajo ka nisur të aplikohet për herë të parë më 4 prill, 2006.

Ajo bën thirrje për përpjekje të vazhdueshme nga shtetet, me ndihmën e OKB-së dhe organizatave përkatëse, për të ndihmuar në krijimin dhe zhvillimin e kapaciteteve të veprimit ndaj minave, në vendet ku minat dhe mbetjet eksplozive të luftës përbëjnë rrezik serioz për sigurinë dhe shëndetin e njerëzve.