34 fermerë vitias bëhen me analiza të tokës

(2L ONLINE) – Drejtoria për Bujqësisë, Pylltarisë dhe Zhvillimit Rural ka kryer analizat e tokës për 34 fermer të Komunës së Vitisë, kryesisht për fermerët të cilët dëshirojnë të kultivojnë pemë të imta dhe perime.

Mostrat e tokës janë marrë në fshatrat si Gjylekar, Lubishtë, Viti, Smirë, Kabash dhe disa fshatra të tjerë ku janë dërguar më pas për analizë në Institutin e Bujqësisë në Pejë dhe atë falë financimit të këtij projekti nga nga NOA USAID.

Përndryshe fermerët përfitues për një periudhë prej 3-5 vjet kanë një pasqyrë e cila tregon se çfarë kulture mund të kultivojnë, çfarë plehra por edhe sasinë e saj.

Po ashtu edhe përfaqësuesi i NOA USAID nga sektori i marketingut Musli Berisha në bashkëpunim me përfaqësues të kompanisë “Ananas Impex” që merret me prodhimin e piperit të kuq ju prezantuan fermerëve llojet e specit për përpunimin.

Sipas zyrtarëve nga Drejtoria për Bujqësi, Pylltari dhe Zhvillim Rural kjo kompani ju ka ofruar fermerëve mundësinë e lidhjes së kontratave, ku sipas tyre kompania në fjalë ju ka ofruar farën për mbjellje dhe transportin. /2L ONLINE/