20 nxënës nga Vitia pjesëmarrës të kampit vullnetar “Shkëlqimi Rinor”

/2L ONLINE/ – Sot janë nisur për në Shqipëri 50 nxënës të komunave Ferizaj e Viti, që do të jenë pjesë e projektit në kampingun me vullnetar “Shkëlqimi Rinor” organizuar nga Drejtoritë për Kulturë Rini e Sport të dy komunave.

Nga komuna e Vitisë do të jenë 20 nxënës, ndërsa 30 nga Ferizaj, të cilët që nga sot e deri të hënën do të kenë rastin të zhvillojnë seminar mbi zbatimin e udhëzimeve administrative dhe rregulloreve që dalin nga ligji për fuqizim dhe pjesëmarrje të të rinjve.

Ky projekt është iniciuar nga Instituti për promovim dhe edukim dhe mbështetur nga DKRS e dy komunave pjesëmarrëse. Ky kamping 3 ditor do të mbahet në Durrës të Shqipërisë./2L ONLINE/