19 persona certifikohen në ndërmarrësi si dhe rreth përgatitjeve të biznes planeve

/2L ONLINE/ – Në një ceremoni rasti janë shpërndarë sot certifikatat për pjesëmarrësit në një trajnim 5 ditor lidhur me rolin e ndërmarrësisë si dhe rreth përgatitjeve të biznes planeve . Qëllimi kryesor i këtij trajnimi që u organizua nga Zyra për Investime dhe Mbështetje të Bizneseve në bashkëpunim me Fondacionin Kosovë-Luksemburg është që personat të cilët kanë vijuar këtë trajnim të jenë të gatshëm të aplikojnë për grande. Përndryshe ky është grupi i dytë që është trajnuar në këtë fushë ku në trajnimin e fundit kanë marrë pjesë 19 persona, konkretisht 18 ferma dhe një mashkull.

Në ceremoninë e shpërndarjes së këtyre certifikatave ka marrë pjesë edhe Kryetari i Komunës së Vitisë, Sokol Haliti i cili ju drejtua të pranishmeve. “ Me lejoni që të ju uroj për sukseset e arritura. Njëherit uroj që të keni suksese edhe në të ardhmen, pasi që më të vërtetë ka shumë donatorë serioz në Kosovë e në veçanti edhe në komunën tonë. Po ashtu zotohem se ju do të keni gjithmonë edhe përkrahjen e Komunës së Vitisë.” U shpreh Haliti.

Ndërkaq Mentor Rexhepi, nga Zyra për Investime dhe Mbështetje të Bizneseve duke folur rreth qëllimit të këtij trajnimi ndër tjerash tha se ndjekësit e këtij trajnimi me njohurit e fituara do të kenë mundësi të aplikojnë për grande si të donatorët e huaj ashtu edhe ato vendor. Përndryshe ky është grupi i dytë që është trajnuar në këtë fushë ku në trajnimin e fundit kanë marrë pjesë 19 persona, konkretisht 18 ferma dhe një mashkull.

Trajnimi në fjalë është organizuar nga Zyra për Investime dhe Mbështetje të Bizneseve në bashkëpunim me Fondacionin Kosovë-Luksemburg, ku në shpërndarjen e certifikatave ka marrë pjesë edhe Fisnik Beqiri nga ky fondacion. /2L ONLINE/