15 Maji – Dita Ndërkombëtare e Familjes

Me rastin e shënimit të 15 Majit – Ditës Ndërkombëtare të Familjes, Njësia për të Drejtat e Njeriut, në bashkëpunim me Qendrën për Punë Sociale në Komunën e Gjilanit, organizoi takim diskutimi me fokus në rolin dhe rëndësinë e familjes në shoqëri, sfidat me të cilat përballet familja sot, si dhe pozitën e gruas në familje dhe në jetën shoqërore.

Gjatë këtij takimi u theksua se familja mbetet themeli kryesor i shoqërisë, vendi ku ndërtohen vlerat njerëzore, edukimi, solidariteti dhe mbështetja reciproke. Po ashtu, u diskutua për sfidat sociale, ekonomike dhe kulturore që ndikojnë në mirëqenien e familjes, duke vënë theks të veçantë në fuqizimin e rolit të gruas dhe krijimin e një ambienti të barabartë, të sigurt dhe gjithëpërfshirës për çdo anëtar të familjes.

Në kuadër të diskutimit, u theksua edhe rëndësia e rolit të institucioneve qendrore dhe lokale në hartimin dhe zbatimin e programeve dhe politikave që kontribuojnë në përmirësimin e pozitës së familjes, mbështetjen sociale, mbrojtjen e të drejtave të njeriut dhe fuqizimin e gruas në shoqëri. Bashkëpunimi institucional mbetet kyç në ndërtimin e mekanizmave mbështetës për familjet dhe krijimin e mundësive të barabarta për të gjithë qytetarët.

Përmes aktiviteteve dhe diskutimeve të tilla, synojmë të promovojmë vlerat familjare, respektin, mirëkuptimin dhe bashkëpunimin, si elemente të rëndësishme për ndërtimin e një shoqërie më të shëndetshme dhe më të qëndrueshme.

Familja është vendi ku fillon jeta dhe dashuria nuk mbaron kurrë.  /2LONLINE/