12 vjet nga largimi i dhunshëm i Lapidarit të UÇPMB-së në Preshevë

Shkruan: Refik HASANI

Sot, para 12 viteve, është larguar në mënyrë të dhunshme Lapidari i UÇPMB-së kushtuar dëshmorëve të kombit të rënë në luftën e UÇPMB-së, e vendosur para objektit të Komunës në Preshevë. 

Lapidari tani as pas 12 viteve nuk është kthyer në vend, por është në mendjet e të gjithë ushtarëve të Ushtrisë Çlirimtare për Preshevë, Medvegjë e Bujanoc dhe gjithë popullit të kësaj krahine të mbetur padrejtësisht nën administrimin e Serbisë.

Largimi me dhunë i pllakës përkujtimore kushtuar dëshmorëve të kombit të rënë në luftën e UÇPMB-së, kurse tani po kalojnë mbi tri dekada nga mbajtja dhe organizmi i mbajtjes së Referendumit  më 1 e 2 mars të vitit 1992.

Shqiptarët në Republikën e Serbisë, vazhdojnë të përballen duke u diskriminuar, pasi mungon rregullimi me ligjë për përdorimin e simbolit tonë kombëtar shqiptar, Flamurit. Ende mbetët për tu dëshiruar rritja e të punësuarve në administratën Komunale të tri Komunave, veçmas mungon përfaqësimi  si në Gjykata, Prokurori,  Shëndetësi, Administratë Tatimore. Policia Multietnike ende në numër të vogël në krahasim me numrin e popullatës dhe mungon përfaqësimi në zinxhirin komandues të Policisë në këtë Krahinë Shqiptare. 

Kjo Krahina shqiptare vazhdon të mbetët Rajoni  më i pazhvilluar në gjithë Evropën, është Krahina më e diskriminuar në gjithë Evropën-Kur kemi pasivizim e diskriminim, një pastrim etnik dhe shkelje e të drejtave e lirive të njeriut dhe të drejtave kolektive. /2lonline/