100 më të mirët e planetit sipas “The Guardian”

Lionel Messi lider edhe në listën e 100 lojtarëve më të mirë të planetit, e publikuar nga tabloidi britanik “The Guardian” ku edhe një herë lë pas portugezin Cristiano Ronaldo. Shkalla më e ulët e podiumit të treshes së parë zihet nga suedezi Zlatan Ibrahimovic që lë pas finalistin e Topit të Artë, Franck Ribery. Në listën e hartuar nga 15 ekspertë futbolli, Barcelona numëron plot 11 lojtarë, e ndjekur nga Reali i Madridit me 9, ndërsa Atletico Madrid shfaqet si rrallëherë me 5 lojtarë të skuadrës së saj.

Spanja kryeson edhe përsa u përket emrave të kombëtareve pasi kampionët e botës përfaqësohen me plot 17 emra në listën e gjatë, përfshirë këtu brazilianin e natyralizuar, Diego Costa, i cili do të veshë fanelën e “La Furia Roja” gjatë botërorit Brazil 2014.