(2L ONLINE) – Tetë familje kanë ngelur të bllokuara nga rrëshqitjet e tokës në lagjen Çamëria, të Kamenicës, prej të cilave disa janë në këtë lagje dhe disa të tjera në fshatin Gurgulloc. Rrëshqitjet janë shpeshtuar ditëve të fundit pas të reshurave atmosferike.
Nënkryetari i Kamenicës Fatmir Matoshi i shoqëruar edhe nga zyrtarët e Mbrojtjes dhe Shpëtimit dhe ata të Urbanizmit e kanë vizituar sot këtë lagje dhe kanë biseduar me banorët për të gjetur mundësi alternative me ndërtimin e një rruge të përkohshme.
“Kjo është një situatë e shkaktuar nga faktorët natyrorë dhe Komuna nuk mund të ndërmarrë diçka në parandalimin e saj, por, ajo që është në kompetencën tonë është që në rend të parë të jemi afër këtyre banorëve, të hapim një rrugë alternative, dhe më e rëndësishmja që të informojmë zyrtarisht institucionet përgjegjëse për situatën këtu” tha Matoshi.
Për këtë situatë në Kamenicë është ftuar ka ardhur edhe koordinatori i Emergjencave në nivel rajonal Salih Mustafa, përmes të cilit zyrtarët komunal do të dërgojnë raport të përbashkët në Ministrinë e Ambientit dhe Planifikimit Hapësinor dhe në Agjencionin e Menaxhimit të Emergjencave. Në bazë të këtij raporti do të ndërmerren hapat e mëtejmë dhe do të rekomandohen banorët për ndonjë evakuim eventual. /2L ONLINE/
