(2LONLINE) – Ritmet orientale që po i sjellin në një formë më moderne, duke u përcjellë edhe me Tarabukë, po pëlqehen mjaftë nga publiku. Tresh i djelmoshave gjilanas tani më të njohur si Tarabuka Band & Dj Star , po priten mirë në çdo ndejë ku po performojnë ndërsa edhe spoti i tyre i lansuar “I feel love oriental”, po pritet jashtëzakonisht mirë dhe po dëgjohet mjaftë nëpër kanale të ndryshme ku është plasuar, por edhe në TV e radio.
Ener Gashi, e Ardi Uruqi, me ritëm tarabukë dhe Arbresh Salihu – Dj Star, janë këta tre djelmosha nga Gjilani që përbëjnë Grupin Tarabuka Band & Dj Star, që po e kënaqin publikun, adhurues të këtij zhanri, në çdo performim që po e bëjnë.
Njëri ndër ta, Arbresh Salihu (DJ Star), ka thënë se Grupi po funksionon shumë mirë. Pothuajse gjatë gjithë javës mbajnë prova të ndryshme rreth miksimit të instrumentaleve, por edhe krijimit të instrumentaleve të ndryshme, të reja, për ta pasuruar repertorin e tyre që të kenë përherë risi në atë çfarë do t’u servohet të pranishmeve gjate ndejave nëpër të cilat merr pjesë Tarabuka Band & Dj Star
Salihu thotë se miksimi i instrumentaleve bëhet me muzikë shqipe, angleze, greke, turke…. për t’u futur në to edhe tingujt e tarabukës. Ndërsa, ai u shpreh i kënaqur edhe me atë se si po pritet spotit, që sipas tij po pëlqehet nga masa dhe kjo i gëzon anëtarët e këtij Grupi sepse thonë se muzikën e bëjnë për publikun dhe i mbetet atij ta vlerësojë punën e tyre dhe kur ata ndahen të kënaqur edhe djelmoshat e Tarabuka Band & Dj Star, ndihen të lumtur.
Duke folur për spotin “ I feel love oriental”, Salihu, apo siç preferon ta quajnë DJ Star, thotë të jetë spot interesant në të cilën është punuar me përkushtim dhe me shumë bashkëpunëtorë, e që në fund ka dal një produkt që grupi e vlerëson si të mirë dhe në këtë janë të bindur edhe për faktin që është pritur mirë nga publiku.
Ai tha se vlen të përmendet që në realizimin e këtij instrumentali ka kontribuar edhe Afrim Leka një mjeshtër i të ekzekutuarit me çifteli, por që këtu ka ekzekutuar në instrumentin turk “saz”, e që i ka dhënë një ngjyrë të mirë instrumentalit për ta kompletuar sa m shumë.
Përndryshe, Dj Star thotë se grupi është duke punuar edhe në projekte tjera andaj pritet të ketë edhe instrumentale të tjera që do ta gjejnë veten e tyre në shpirtin e publikut, por planet janë edhe për pjesëmarrje në festivale të ndryshme .
Po ashtu, sipas Dj Star, Tarabuka Band & Dj Star do të nis edhe një projekt “Tarabuka Show”, në një radio lokale e projekte të tjera muzikore qe do ti lansojnë në tregun kosovar c me gjerë.
Më poshtë keni spotin e Tarabuka Band & Dj Star , të titulluar “I feel love oriental”, /2lonline/
