Kryetari i Gjykatës Themelore në Gjilan, Venhar Salihu, së bashku me Ushtruesin e Detyrës së Administratorit, Sylejmon Qarrolli, kanë pritur në një takim Kryetarin e Odës Regjionale të Avokatëve, Fadil Sinanaj së bashku me disa avokatë të tjerë.
Kryetari dëgjoi nga avokatët ankesat e tyre në drejtim të shërbimeve të administratës dhe gjyqtarëve.
Avokatët theksuan se ka përmirësime të dukshme në shërbimet e Gjykatës, gjithashtu edhe në caktimin e lëndëve më radhë nga ana e gjyqtarëve, por që ende ka hapësirë për përmirësim.
Kryetari Salihu kërkojë nga avokatët në vazhdimësi të paraqesin ankesat e tyre për punonjësit të kësaj gjykate me degë për ngritjen e përgjegjësisë, për interes të përgjithshëm, në mënyrë që të rritet transparenca, llogaridhënia dhe rritja e besimit të publikut në sistemin gjyqësor. /2LONLINE/
