Kryetari i Komunës së Kamenicës, Kadri Rahimaj së bashku me shefin e Kabinetit Vaxhid Rexhepaj dhe shumë homologë e përfaqësues të tjerë nga Komunat e Kosovës, po qëndrojnë këto ditë në Grenoble të Francës, për vizitat dhe takimet në kuadër të Panairit Ndërkombëtar të Turizmit “International Mountain Development Trade Show”.
Ky panair është njëra nga ngjarjet më të rëndësishme ndërkombëtare për profesionistët e turizmit malor.
Nisur nga fakti se për Komunën e Kamenicës është shumë i rëndësishëm zhvillimi i turizmit në vend, dhe se po punohet në këtë drejtim, vizitat në panaire të tilla japin mundësi të që hapen rrugë të reja për zhvillimin e këtij sektori, të ndiqen praktika të mira të vendeve të tjera, si dhe më e rëndësishmja të krijohen kushte edhe për bashkëpunime të mundshme për zhvillim të turizmit.
Për turizmin e zhvillimin ekonomik Kryetari Rahimaj ka qenë edhe pjesë e takimit me Kryetarët e Komunave të Gresivaudan, për të vazhduar më pas vizitat në qendrat kryesore të turizmit në Francë. /2LONLINE/
