“Takova sot kryetarin e OVL të UÇPMB-së, Bejtullah Bejtullahu. Biseduam për situatën e përgjithshme në Kosovën Lindore, ku ndamë mendimin se duhet më shumë angazhim nga Kosova dhe nga Shqipëria për të ngritur zërin për të drejtat e shqiptarëve në Kosovën Lindore në secilin takim me karakter ndërkombëtar që ata e kanë”, ka thënë Nazim Gagica, kryetar i Aleancës për Ardhmërinë e Kosovës (AAK), Dega në Gjilan
Gagica tha se e kemi obligim moral e kombëtar të jemi pranë vëllezërve tanë kudo që ata ndodhen e sidomos në Kosovën Lindore atje ku nuk respektohet as minimumi i të drejtave të pakicave krahasuar me ato në Kosovë.
“Jemi shumë të vendosur për të qenë krah i ish-pjesëtarëve të luftës së drejtë e të imponuar të UÇPMB-së, kudo e kurdo që ata kanë nevojë. Kategoritë e lirisë janë amanet yni, andaj ne duhet të jemi shumë të vëmendshëm përveç të kujdesshëm në raport me ta. Bejtën e falënderova për punën që po bënë ai dhe bashkëpunimin e shkëlqyer që kemi tani e sa vjet bashkë”, ka thënë Nazim Gagica i AAK-së. /2LONLINE/
