Ministri Maqedonci prezantoi të arriturat kryesore njëvjeçare të Ministrisë së Mbrojtjes gjatë udhëheqjes së tij

Ministri i Mbrojtjes Ejup Maqedonci sot mbajti Konferencë për Media në prezantimin e të arriturave kryesore të Ministrisë së Mbrojtjes gjatë periudhës njëvjeçare, përfshirë kohën gjatë qeverisjes së tij si Ministër i Mbrojtjes.

Me këtë rast, ai përmendi të arriturat në fushat funksionale të Ministrisë me shifra dhe fakte, si dhe reformat e përfunduara dhe ato në proces e sipër.

Buxheti rekord i ndarë për Ministrinë e Mbrojtjes, ka ndikuar në zhvillimin me hapa të jashtëzakonshëm të ushtrisë sonë. Kjo dëshmohet mbi të gjitha me ndarjet buxhetore që për herë të parë arrinë në 201 milionë euro apo 2% të GDP, duke plotësur kështu edhe njërin nga kriteret e NATO-s.

Më pas Ministri Maqedonci u përgjigj në pyetjet e shumta të gazetarëve të pranishëm të cilët në fund i falënderoi dhe u shprehu mirënjohjen dhe vlerësimin e lartë të pasqyrimit profesional dhe objektiv të të gjitha aktiviteteve të tij, Ministrisë dhe FSK-së në përgjithësi.

Në fund, Ministri Maqedonci, u rikujtoi se puna mbi parimin e transparencës dhe llogaridhënies para mediave dhe qytetarëve tanë do të vazhdojë si çdoherë dhe i ftoi mediat për bashkëpunim të plotë edhe në të ardhmen. /2LONLINE/