Sulmuesit të Selës i gjenden “patikat” me gjak

Sulmuesit të Selës i gjenden “patikat” me gjak

Policia mëngjesin e sotëm ka arrestuar të dyshuarin kryesor për dhunën ndaj Zijadin Selës. Bëhet fjalë për Kire Gjorgjievskin dhe babain e tij. Siç mësohet në shtëpinë e tij janë gjetur edhe atletet me gjakë që dyshohet se ka qenë ne Kuvend dhe ka goditur Selën.

Ministria e Brendshme ka njoftuar sot në mëngjes se ka arrestuar të dyshuarin Kire Gjorgjievski i cili ne incizimet e dala nga 27 prilli shihet qartë duke tërhequr zvarrë deputetin Zijadin Sela. Bashkë me të është arrestuar edhe babai i tij Çejo Gjorgjievski i përfshirë edhe ai në këtë ngjarje.

Nga bastisja që ka kryer MPB në shtëpinë e tyre janë gjetur akoma rrobat me gjak nga nata e dhunshme e 27 prillit, këpucët po ashtu akoma me njolla gjaku të asaj mbrëmje, gjithashtu dhe 3 celularë ku shpresohet në to të gjenden biseda të mundshme telefonike. Të gjitha këto janë konfiskuar si prova materiale. Babë e bir po mbahen aktualisht në stacion policorë për procedim të mëtejmë.

BURIMI: TetovaSot

KOMENTE